مصر فوق كل المؤامرات بقلم: عمرو يحيى الأعصر

في عالم مليان ضوضاء، وتضليل، وشائعات جاهزة للانتشار، مصر واقفة على قدّمها بثبات، وشعبها عارف قيمه وأصله. كل ما يدار من حملات تشويه أو قصص مفبركة، مش إلا صوت فارغ بعيد عن الواقع.

اللي حصل في جزيرة إبستين وغيره من الفضائح، ده مش عالمنا، ولا جزء من حياتنا، ولا من سلوكيات شعبنا، ولا من مبادئ قيادتنا. إحنا دايمًا مركزين على البناء والعمل، على تطوير بلدنا، مش على الانشغال بالكلام الفارغ أو المؤامرات اللي مش لينا.

رئيسنا، رجل متدين وأمين، عارف مسؤولياته كويس، ودايمًا واقف جنب مصر وشعبها. القيادة عندنا عيونها مفتوحة على كل التفاصيل، واعية بكل المحاولات الي بتحاك ضد الوطن، وما بتسيب أي حاجة تمر بدون متابعة.

الشعب المصري متربي على الأخلاق والعمل الجاد، واللي يفتكر إنه ممكن يهزه كلام فاضي أو شائعات، يبقى ما يعرفش حقيقة مصر ولا تاريخها ولا وعى شعبها. إحنا مش ناس نتهز أو ننجر ورا أي ضوضاء، إحنا ناس بتشتغل وتبني وتكبر بلدها.

الحمد لله، إحنا بره أي فضيحة أو لعبة مش لنا فيها، ومصر أقوى وأرقى من أي محاولة تضليل أو استهداف خارجي.

إحنا نبني مستقبلنا، نرفع راية بلدنا عالي، ونثبت للعالم إن مصر دولة وعقل، مش ضجيج وشائعات.

مصر دايمًا فوق، وقيادتها واعية، وشعبها ثابت، وكل محاولة للتأثير على بلدنا، هتبوء بالفشل.